السلام عليكم ورحمة الله تعالى وبركاته محبي موقع عشاق الكلمات الاوفياء في كل مكان مع جديد قسم المبارايات لهذا لايوم سوف نقدم لكم بعض من النصائح الذهبية التي بلا شك سوف تفيدك في الاختبار الشفوي الذي سيكون بحول الله في الاسابيع القليلة القادمة بعد الاعلان عن نتائج الاختبار الكتابي لمباراة التعاقد دورة يناير التي اجريت يوم امس 13 يناير 2018...نتمنى التوفيق للجميع.
هذه النصائح مقتطفة من موقع المستجد التربوي:
اللي داز فالكتابي ومشى للشفوي خاصو يكون عارف هاد الشي :
1- يكون متناسق فاللباس
2- يكون هاز معاه كارطابل باش يبان راه فعلا استاذ
3- كاين لتيدير ساعة فيدو وهي مخداماش ....الى سولوك على الساعة..بلا متلفت عاد تجاوب..قولو مباشرة راه مخداماش..
4- مني تدخل دق فالباب...الى قال ليك تفضل...ادخل وبقى واقف حتا يقول ليك اجلس..
5- العباراة الزائدة والفهامات الخاوية حيدها منك....
6- الى قالو ليك قدم راسك حالو تركز على الامور الاساسية فقط...ولعارفها مزيان...لانهم غادين يسولوك على داك الشي لتتقول ليهم....الى قلتي ليهم مثلا مدوز سطاج وعندي تجربة كون على يقين غادين يبقاو يسولوك..باش يشوفوك نيت واش شاد شي حاجة ولا والو....المهم اهم حاجة هي التقديم حظي معاه مزيان.....
7- واهم حاجة فالاختبار الشفوي هي الى سولوك شي سؤال ونتا معرفتيش تجاوب...بلا متبقى تكدب وتخربق...ويبان فيك الخوف....عادي قول ليهم معرفتش...ولكن غادي نقلب عليه...من بعد ضروري..كن بسيط وعلى طبيعتك الى بغيتي تعيق عليهم غادي تندم.
8- الى سولوك قالو ليك شنو اخر كتاب قريتي....قول ليهم كتاب فالتخصص ديالك..باش هاكا....الى سولوك عليه تكون عارف وظابط شغلك مزيان..
9- والى قال لك اخر حاجة قريتيها قول ليه رقم القاعة...لغادي ندوز فيها الشفوي...
10- الى قالك شنو هو لون الحائط ولا الكرسي..بلا متلفت..راه غيكون حداك...خاصك تكون دكي فالاجابات ديالك.
11- الى بغاو يتفزوك...نتا برد وبقااااا كالم....وتحكم فاعصابك...
12- الى لاح لك الوتائق ديالك..نتا جمعها..وعاود رجعها لييه.....
13- الى قالوا ليك مقنعتيناش....قول هادشي عصارة جهدي ودرت لعليا والكمال على الله لبغاها الله هي لغتكون....
بالتوفيق والله يسهل على الجميع