السلام عليكم ورحمة الله تعالى وبركاته محبي موقع عشاق الكلمات الاوفياء في كل مكان ..ليوم غادي نهضروا بالدارجة باش كلشي يكون واضح وباين وحيتاش بزاف ديال المتتبعين بالمغرب كايسولوا كيفاش يتسجلو في الانابيك ويستافدو من عروض التشغيل اللي كاتقدمها وخصوصا واننا ولينا هاد الايام كانهتامو بزاف بهاد العروض، وباش كلشي يفهم ويستافد قررنا اننا نديرو شرح بسيط بالدارجة اللي كولشي غادي يفمهما ان شاء الله..
اولا خاص كلشي يعرف بلي الانابيك "l’anapec" هي" Bureau de recrutement" تابع للدولة كتوفر فرص الشغل للشباب الباحثين عن عمل. و باش تستفيد من الانابيك "l’anapec" اول خطوة خاصك ديرها هي تسجل فالرابط الخاص بهم : اضغط هنا
وثاني خطوة هي تعمر جميع المعطيات الخاصة بك, وخاصها تكون صحيحة 1000% لانهم غادي يتاكدوا من المعطيات اللي دخلتوا.
الخطوة الثالثة من بعد التسجيل في الرابط هي تمشي لعندهم للادارة ديالهم بعد حوالي اسبوع من التسجيل باش دير Valider Dossier ديالك. اول حاجة, غادي يعطيوك من بعد هي 3 ديال الاوراق وخاصك تعمرهم تما عندهم و من بعد غادي دوز Entretien صغير المدة ديالو من 15 الى 30 دقيقة مع احد الموظفين باش يعرفوا نوع المنصب اللي كاتقلب عليه وباش يتاكدوا من سلامة المعطيات اللي دخلتوا, وغادي يسولوكم عدة اسئلة خاصكم تجاوبوا عليهم.
أوراق التسجيل الخاصة بوكالة أنابيك : (هاد الاوراق كايعطيوهم ليك وانتا خصك تعمرهم)
من بعد هادشي خاصكم تبقاوا تدخلوا للسيت يوميا و غاتلقاوا فرص شغل واللي لقيتوها كاتناسبكم دفعوا ليها و هوما غادي يعيطوا ليكم تجيوا دوزو Entretien مع مسؤول الشركة اللي طالبين العمال. يعني بصفة عامة l’anapec مجرد وسيط مابينكم وبين الشركة اللي طالبة موظفين وكاتلاقيكم ب 2 و ال Contrat كاتكون عندك مع l’anapec حتى كاترسم مع الشركة اللي نتا خدام فيها وعاد كاتولي ال contrat معاهم....هادي الشي لكاين.